हेटौंडा र बागमती प्रदेशबासीको सम्पति ( हेर्नुहोस् भिडियो)

तु खबर संवाददाता

२०७६ पुष २७,आईतवार १८:४१

हेटौंडा, २७ पुस । प्रदेश नम्बर ३ को राजधानी हेटौंडा र नाम बागमती प्रदेशबासीकै साझा सम्पति भएको प्रमुख प्रतिपक्ष दल नेपाली कांग्रेस प्रदेश संसदीय दलका नेता इन्द्र बहादुर बानियाँले बताएका छन् ।

आज भएको प्रदेशसभा बैठकमा प्रदेशको नाम बागमती प्रस्तावमाथि उठेका प्रश्नहरुको जवाफ दिँदै बानियाँले प्रदेशको राजधानी र नाम मकवानपुरबासीको मात्रै नभई प्रदेशको साझा सम्पति भएको बताएका हुन् ।

उनले जातीय राज्यमा द्धन्द्ध निम्तिन सक्छ भन्दै सबैको सभ्यता र साँस्कृति झल्किने बागमती नाम एकमत भएर प्रस्ताव गरिएको बताए । प्रदेशसभामा आज भएको मत विभाजन प्रक्रियामा सर्वसम्मतले बागमती नाम प्रदेशसभाबाट पारित भएको थियो ।

उनले पृथ्वीनारायण शाहको जन्मदिन अर्थात एकता दिवसको अबसरमै ऐतिहासिक निर्णय हुँदैछ भन्दै यो संयोग मिलेको बताए । ‘राष्ट्रपिता पृथ्वीनारायण शाहलाई स्मरण गर्दै आजकै दिन यो प्रदेशको ऐतिहासिक निर्णय हुँदैछ, यो संयोग मिलेको छ वा मिलाइएको छ ।–’ बानियाँले भने ।

उनले एकता दिवसको सम्झनामा संसदको एकतामै प्रदेशको नाम बागमती टुंग्याउने पर्ने धारणा राखे । उनले मुस्कुराउँदै भने– ‘मकवानपुर ऐतिहासिक स्थल हो । तत्कालिन सेन वंशीय राज्यको पालामा पनि बानियाँ मन्त्री थिए, मेरो जिजुबुवा हुन् ।

प्रदेशसभा भवन बाहिर पत्रकारहरुसँग बोल्दै नेता बानियाँले हेटौंडा स्थायी राजधानी र बागमती नामकरणमा आफूहरुको रणनीतिक जित भएको बताएका छन् । ‘हाम्रो पार्टीका सभापति तथा तत्कालीन प्रधानमन्त्री शेरबहादुर देउवाले तोकिदिनु भएको हेटौंडालाई स्थायी राजधानी बनाउन सफल भएका छौं । प्रदेशसभामा पनि हामीले प्रस्ताव गरेको बागमती नाममा सहमति भएको छ’ उनले भने ।

दुईवर्ष अघिदेखि आफ्नो दलले पटक–पटक अस्थायी राजधानीलाई स्थायी बनाउन संसदसमेत अवरुद्ध गरेको भन्दै उनले अब विकासको दिशातर्फ प्रदेश अग्रसर हुनुपर्ने बताए ।

‘जसरी राजधानी र नामका विषयमा प्रदेशसभामा एकमत कायम भयो । अब विकासमा पनि हुन जरुरी रहेको छ ।–’ बानियाँले भने ।

हेटौंडा र बागमती प्रदेशबासीको सम्पति ( हेर्नुहोस् भिडियो)

यो पनि हेर्नुहोस् ।

यसमा तपाइको मत Cancel reply

ताजा समाचार

एमालेको प्रतिनिधि परिषद् बैठक आजबाट सुरु

आज यी प्रदेशमा वर्षाको सम्भावना

माछा मार्ने क्रममा डुबेर बालकको मृत्यु

नर्स बिना अस्पतालको कल्पनै हुनसक्दैनः स्वास्थ्य मन्त्री

हेटौंडाको औद्योगिक क्षेत्रस्थित एक फ्याक्ट्रीमा आगलागी