एतिहासिक निर्णय गर्दै प्रदेशसभा बैठक स्थगित

तु खबर संवाददाता

२०७६ पुष २७,आईतवार १३:०८

हेटौंडा, २७ पुस । प्रदेश ३ को प्रदेशसभा बैठकले ऐतिहासिक निर्णय गरेको छ । दुई वर्षदेखि अन्यौलमा रहेको स्थायी राजधानी र नामकरण आज आइतबार बसेको प्रदेशसभाको बैठकले टुंगो लगाउँदै बैठक स्थगित भएको छ ।

संवैधानिक व्यवस्था अनुसार प्रदेशको राजधानी र नाम सम्बन्धित प्रदेशसभाले निर्णय गर्ने अधिकार छ । प्रदेश ३ को स्थायी राजधानी हेटौंडा र नाम बागमती रहने निर्णय आजको प्रदेशसभामा भएको मतदान प्रक्रियाबाट निर्णय भएको हो ।

राजधानी हेटौंडाको पक्षमा १ सय ५ मत, विपक्षमा ३ मत र प्रदेशको नाम बागमतीको पक्षमा १ सय ८ मत आएको थियो । प्रदेशसभामा राजधानी हेटौंडाको प्रस्तावक मुख्यमन्त्री डोरमणि पौडेल र नाम बागमतीको प्रस्तावक नेपाली कांग्रेसका प्रदेश संसदीय दलका नेता इन्द्रबहादुर बानियाँ थिए ।

सभामुख सानुकुमार श्रेष्ठले संविधानले दिएको एतिहासिक जिम्मेवारी पूरा भएको बताए । उनले जिम्मेवारी पूरा गर्न सहभागी प्रदेशसभा सदस्यहरुलाई धन्यवाद ज्ञापन गर्दै प्रदेशबासीहरुलाई बधाई दिएका छन् ।

सभामुख श्रेष्ठले अर्को सूचना जारी नभएसम्मलाई बैठक स्थगित गरिएको जानकारी गराए ।

एतिहासिक निर्णय गर्दै प्रदेशसभा बैठक स्थगित

यो पनि हेर्नुहोस् ।

यसमा तपाइको मत Cancel reply

ताजा समाचार

विपद्को घटनामा परेर १३९ जनाको मृत्यु

विमान दुर्घटनामा मृत्यु भएकाको शव आफन्तलाई जिम्मा लगाउन सुरु

खोलाले बगाउँदा दुई जना किशोरीको मृत्यु

वैदेशिक रोजगारीमा जाने विना धितो ऋण पाइने

आर्थिक वर्ष २०८१–०८२ को मौद्रिक नीति सार्वजनिक