जाजरकोट भुकम्प अपडेट: मृतकमध्ये १२० शव आफन्तले बुझे
तु खबर संवाददाता२०८० कार्तिक १९, आईतवार ०९:३८
जाजरकोट । जाजरकोट भुकम्पमा परेर मृत्यु भएकामध्ये १२० जनाको शव आफन्तले बुझेका छन् ।
गत शुक्रबार राति जाजरकोटको रामेडाँडा केन्द्रविन्दु गरेर गएको भुकम्पमा परेर मृत्यु भएका १५७ जनामध्ये १२० जनाको शव आफन्तले बुझेको प्रहरीले जनाएको छ ।
प्रहरीका अनुसार, बाँकी ३७ जना शव पनि आफन्तलाई बुझाउने तयारी भइरहेको छ ।
भुकम्पमा परेर जाजरकोटमा १०५ जनाको मृत्यु भएको छ भने १०६ जना घाइते भएका छन् ।
यसैगरी, रुकुम पश्चिममा ५२ जनाको मृत्यु भएको छ भने १३२ जना घाइते भएका छन् ।
यस्तै, दैलेखमा ३ जना, जुम्लामा ३ जना, सल्यानमा २ जना, प्युठानमा ३ जना, बैतडीमा घाइते ३, रोल्पा र दाङमा एक–एक जना घाइते भएका छन् ।