चिसोले कठ्याङ्ग्रिएर बालिकाको मृत्यु

जाजरकोट । जाजरकोटको कुशे गाउँपालिकामा चिसोले कठ्याङ्ग्रिएर एक बालिकाको मृत्यु भएको छ ।

मृत्यु हुनेमा कुशे–१ स्याग्रीका सुनिल वादीकी ३ वर्षीया छोरी रक्षा वाली रहेकी छन् । उनकोे बुधबार मृत्यु भएको हो ।

कुशे गाउँपालिकाका अध्यक्ष हरिचन्द्र बस्नेतका अनुसार, स्थानीय स्वास्थ्य संस्थामा जाँच गर्दा निमोनिय देखिएपछि अस्पताल लैजाने क्रममा बालिकाको छेडागाडस्थित मटेलामा मृत्यु भएको हो ।

गत कात्तिक १७ गते शुक्रबार गएको शक्तिशाली भूकम्पले घर चर्किएपछि मृतक बालिकाको परिवार पालमुनि बस्दै आएको थियो ।