चीनबाट १० लाख सिरिन्ज नेपाल आउँदै

तु खबर संवाददाता
२०७८ माघ ६, बिहीबार १५:३४
file-photo

काठमाडौं । चीन सरकारले अनुदानमा दिएको १० लाख सिरिन्ज नेपाल आउँदै छ । उक्त सिरिन्ज तातोपानी भन्सार छुटेर नेपाल प्रवेश गरिसकेको आपूर्ति व्यवस्थापन शाखाले जनाएको छ । चीन अनुदानमा दिने २० लाख सिरिन्जमध्ये १० लाख सीमा नाका हुँदै प्रवेश गरे पनि अझै १० लाख आउन बाँकी छ ।

करिब साढे २ करोड सिरिन्ज आउने चरणमा रहेको समेत आपूर्ति व्यवस्थापन शाखाका वरिष्ठ अधिकृत बडेबाबु थापाले बताए । कोरोनाविरुद्धको खोप लगाउन प्रयोग गरिने सिरिन्ज ४६ लाख ८४ हजार स्टक रहेको छ । सरकारले २ करोड ४ लाख सिरिन्ज खरिदका लागि सम्झौता गरिसकेको उनले बताए । यस्तै कोभ्याक्समार्फत १२ लाख सिरिन्ज आउने प्रक्रियामा छ ।