रास्वपा उम्मेदवार किशोरी शाहको उम्मेदवारी खारेज

काठमाडौँ । धनुषा १ मा राष्ट्रिय स्वतन्त्र पार्टी (रास्वपा) का प्रत्यक्ष उम्मेदवार किशोरी शाहको उम्मेदवारी निर्वाचन आयोगले खारेज गरेको छ। उनलाई बैंक तथा वित्तीय संस्थाको कालोसूचीमा रहेको आरोप लागेकाले उम्मेदवारी खारेज गरिएको हो।

कर्जा सूचना केन्द्रको अद्यावधिक विवरण अनुसार किशोरी शाह कमल निर्माण सेवा प्रालिका शेयरधनी भएकी थिइन् र २०८० सालमा कालोसूचीमा परेका प्रमाण भेटिएका छन्। साथै, विभिन्न मितिमा उनको नाम एकल तथा संयुक्त रूपमा चेक बाउन्ससम्बन्धी कालोसूचीमा परेको विवरणमा पनि उल्लेख छ।