प्रचण्ड नेतृत्वको बिकल्प छैन: महासचिव गुरुङ
तु खबर संवाददाता
मकवानपुर । नेकपा माओवादी केन्द्रका केन्द्रीय महासचिव देबप्रसाद गुरुङले मुलुकको समृद्धि र विकासको लागि प्रचण्ड नेतृत्वको विकल्प नभएको बताएका छन् ।
शनिवार बिहान माओवादी मकवानपुरका नेता तथा कार्यकर्ता भेटघाट कार्यक्रममा महासचिव गुरुङले मुलुकमा माओवादीको एजेन्डा स्थापित भएकोले माओवादी प्रति जनलहर बढेको बताए ।
लोकतन्त्रको रक्षा गर्ने पार्टी माओवादी केन्द्र भएकोले माओवादीको नेतृत्वमा बृहत कम्युनिष्ट एकताको आवश्यक्ता भएको महासचिव गुरुङले बताए ।
महासचिव गुरुङले भ्रस्टाचारलाई रोक्न स्थायी सरकार आवश्यक भएकोले आगामी निर्वाचनमा माओवादी केन्द्र भ्रष्टाचार विरुद्ध एक्लै निर्वाचनमा सहभागी हुने बताए ।
माओवादी मकवानपुर संयोजक भीम पाख्रीनको अध्यक्षतामा भएको कार्यक्रममा नेकपा माओवादी केन्द्रका केन्द्रीय सदस्य कुमारी मोक्तान, रामनारायण बिडारी, बागमती प्रदेश उपाध्यक्ष प्रेमबहादुर पुलामी, सचिवालय सदस्य बीरबहादुर घलान (ज्वाला), ललित घलान, प्रेस सेन्टर नेपाल केन्द्रिय सदस्य एवम् मकवानपुर इन्चार्ज ध्रुवराज ढकाल लगायतको नेता उपस्तिथि रहेको थियो ।