सहयोगी मनद्वारा शिव मन्दिरहरुमा प्रसादको लागि खाद्यान्न सहयोग
मकवानपुर । सहयोगी मन नेपालले आज महाशिवरात्रीको दिन मकवानपुरका विभिन्न शिव मन्दिरहरुमा पुगेर प्रसाद तयार पार्नको लागि आवश्यक खाद्यान्न सामग्री सहयोग उपलब्ध गराएको छ ।
भक्तजनहरुका लागि प्रसाद तयार पार्न चिनि, तेल, आँटा (शुद्ध गहुँको पिठो) लगायतका सामग्री विभिन्न शिव मन्दिरहरुमा पुगेर वितरण गरिएको सहयोगी मन नेपालका अध्यक्ष केदारप्रसाद चौँलागाईले जानकारी दिए ।
रुद्रेश्वर महादेवको मन्दिर हेटौँडा ५, शिवशक्तिश्वर महादेवको मन्दिर हेटौँडा १६, धनेश्वर महादेवको मन्दिर हेटौँडा १६, निलकण्ठेश्वर महादेवको मन्दिर हेटौँडा ६ लगायत विभिन्न शिवालयहरुमा उक्त सामग्री सहयोग गरिएको हो ।
साथै आर्थिक रुपले विपन्न भक्तजनहरुलाई पनि खाद्यान्न सामग्री सहयोग गरिएको सहयोगी मन नेपालका सल्लाहकार शिव खनालले बताए ।
खाद्यान्न सामग्री वितरण कार्यक्रममा खतिवडा किराना स्टोर्सले सहजिकरण गरेको थियो ।
संस्थाले यसअघि पनि विभिन्न समाजिक काम गर्दै आएको छ ।



