नेकपा संसदीय दलको बैठक भर्खर सुरु

तु खबर संवाददाता

२०७६ पुष २५, शुक्रबार १२:३०

हेटौंडा, २५ पुस । प्रदेश ३ को सत्तारुढ दल नेकपा संसदीय दलको बैठक हेटौंडामा बसिरहेको छ । करिब साढे ११ बजे सुरु बैठकमा प्रदेशको राजधानी र नामको विषयमा सहमती जुटाउने प्रयास जारी रहेको एक नेताले बताएका छन् ।

नेकपा सचिवालयले प्रदेश ३ को राजधानी हेटौंडा र नाम बाग्मती राख्न संसदीय दल र प्रदेश कमिटीलाई निर्देशन दिएपछि मुख्यमन्त्रीको सक्रियतामा आज बिहीवार दलको बैठक पाँचौ पटक बसेको हो ।

पार्टी निर्देशन अनुसार राजधानी र नाममा सहमती जुटाउन संसदीय दलको बैठकमा प्रयास भइरहेको एक सांसदले बताए । कतिपय सांसदहरुले नाम बाग्मती राख्न सहमती जनाए पनि हेटौंडालाई राजधानी बनाउन नहुने अडान लिँदै आएका छन् ।

आजको बैठकले आगामी प्रदेशसभा बैठकमा राजधानी हेटौंडा र नाम बाग्मती मात्रै प्रस्ताव लैजाने निर्णय गर्ने स्रोतले जानकारी दिएको छ । पार्टीको निर्देशन अनुसार ह्विप जारी हुने बताइएको छ ।

असन्तुष्ट सांसदहरुले राजधानी सम्भाव्यता अध्ययन समितिको प्रतिवेदन अनुसार पाँचवटै जिल्लाको नाम प्रस्तावमा लैजानु पर्ने विषय उठाएका छन् ।

नेकपा संसदीय दलको बैठक भर्खर सुरु

यो पनि पढ्नुहोस्

यसमा तपाइको मत Cancel reply

ताजा समाचार

मीनबहादुर गुरूङले दान दिएको जग्गा फिर्ता गर्ने एमालेको निर्णय

विपक्षी अवरोधका बीच प्रतिनिधिसभा सञ्चालन, निर्वाचनसम्बन्धी अध्यादेश अगाडि बढाइँदै

क्यानाडा सरकारद्वारा टोरन्टोका १० व्यवसायलाई सहयोग गर्न ९० लाख डलर लगानीको घोषणा

अख्तियार प्रमुख राई र एपिजी प्रतिनिधिमण्डलबीच भेटवार्ता

प्रेस काउन्सिलको अध्यक्ष खुला प्रतिस्पर्धाबाट नियुक्त गरिंदै