बागमतीका मुख्यमन्त्रीले साउन २७ गते विश्वासको मत लिने
तु खबर संवाददाता२०८२ श्रावण २३, शुक्रबार १५:५७
हेटौंडा । संवैधानिक व्यवस्था बमोजिम बागमती प्रदेशका मुख्यमन्त्री इन्द्रबहादुर बानियाँले यही साउन २७ गते विश्वासको मत लिने भएका छन् ।
मुख्यमन्त्री बानियाँले नेपालको संविधानको धारा १६८ को उपधारा (४) तथा प्रदेश सभा नियमावली, २०७४ को नियम १४३ को उपनियम (१) बमोजिम विश्वासको मत लिन लागेका हुन् ।
बानियाँले प्रदेशसभामा विश्वासको मत लिने भएकाले साउन २७ गते दिउँसो ४ बजे बैठक आह्वान गरेका छन् ।
मुख्यमन्त्रीमा नियुक्त भएको ३० दिनभित्र विश्वासको मत लिनुपर्ने व्यवस्था संविधानमा छ ।
यस अघि बानियाँ नेकपा एमाले र नेपाली काँग्रेसको समर्थनमा बागमती प्रदेशको मुख्यमन्त्री नियुक्त भएका थिए । मुख्यमन्त्री भएसँगै बानियाँले मन्त्रीहरु नियुक्त गरेर कार्यविभाजन समेत गरेका थिए । उनले काँग्रेसको भागमा परेका केही मन्त्रालयमा मन्त्री नियुक्त गर्न बाँकी छ ।
