बहादुर सिंह लामाको विरुद्ध उभिएका २२ सांसद् (नामावलीसमेत)

हेटौंडा। बागमतीमा संसदीय दलका नेता बहादुर सिंह लामाले विश्वासको मत गुमाएका छन् ।

उनीविरुद्ध दर्ता भएको अविश्वास प्रस्तावको विपक्षमा १५ जना प्रदेशसभा सदस्य मात्रै उभिएपछि लामाले विश्वास गुमाएका हुन् । नेपाली काँग्रेस बागमतीका सभापति समेत रहेका इन्द्रबहादुर बानियाँको पक्षमा २२ प्रदेशसभा सदस्यहरुले मत व्यक्त गरेका छन् ।

कुल ३७ प्रदेशसभा सदस्य रहेका काँग्रेसका २२ जना बानियाँको पक्षमा उभिएपछि लामा अल्पमतमा परेका हुन् । महामन्त्री गगन थापा, डा. शेखर कोइरालालगायतका नेताहरु बानियाँको पक्षमा देखिए । पार्टी सभापति शेरबहादुर देउवा पक्षका सांसदहरु भने विभाजित भएका छन् ।

लामा माथि अविश्वास रहेको छ भन्ने पक्षमा नेता बानियाँसहित कञ्चनचन्द्र बादे, शिवराज अधिकारी, पुकार महर्जन, दिपेन्द्र श्रेष्ठ, यमुनादेवि श्रेष्ठ, बिनु रायमाझी, शान्ता ढकाल, प्रभात तामाङ, उर्मिला नेपाल, मीना पराजुली, छिरिङ दोर्जे लामा, मीनकृष्ण महर्जन, याङ्किला शेर्पा, मदुकुमार श्रेष्ठ, बिमल ठकुरी, सुरजचन्द्र लामिछाने, श्रीराम लामिछाने, सुरेश श्रेष्ठ, श्यामबहादुर खड्का, सुना परियार र कृष्णबहादुर तामाङ रहेका छन् ।

त्यस्तै लामाको पक्षमा उभिएका सांसदहरुमा लामासहित कुन्दनराज काफ्ले, लक्ष्मी श्रेष्ठ, उत्तम जोशी, हरिप्रभा खड्गी, रमेशकुमार महत, क्षत्रबहादुर बम्जन, रामकुमार पहाडी, गिता गुरुङ, तीर्थ लामा, मसिना खड्का, माया श्रेष्ठ, गोविन्द लम्साल, समिता खड्गी र रामकृष्ण चित्रकार रहेका छन् ।