दलको नेताबाट हटाउन बहादुरसिंह लामाविरुद्ध अविश्वासको प्रस्ताव दर्ता
तु खबर संवाददाता
हेटौंडा । मुख्यमन्त्री तथा नेपाली कांग्रेस बागमती प्रदेश संसदीय दलका नेता बहादुरसिंह लामालाई सो दलको नेताबाट हटाउन नेपाली काँग्रेस संसदीय दलमा अविश्वासको प्रस्ताव दर्ता भएको छ ।
चालु वर्षको बजेट निर्माण गर्दा चरम विवाद भएको र लामाको नेतृत्वका कारण यस्तो स्थिति आएकोमा रुष्ठ भएका नेपाली काँग्रेसका २१ जना साँसदहरुले लामालाई दलको नेताबाट हटाउन अविश्वास प्रस्ताव दर्ता गराएका हुन् ।
लामाविरुद्ध अविश्वास प्रस्तावमा हालका चार जना मन्त्रीसहित २१ जना सांसदहरुले हस्ताक्षर गरेका छन् ।
अविश्वासको प्रस्तावमा हस्ताक्षर गर्नेहरुम शिवराज अधिकारी, दिपेन्द्र श्रेष्ठ, कञ्चनचन्द्र वादे, पुकार महर्जन, यमुनादेवी श्रेष्ठ, विन्दु रायमाझी पौडेल माया श्रेष्ठ, शान्ता ढकाल, प्रभात तामाङ छिरिङ दोर्जे लामा, मीना पराजुली, उर्मिला नेपाल, याङ्किला शेर्पा, विमल ठकुरी, यदुकुमार श्रेष्ठ, मीनकृष्ण महर्जन, सुरजचन्द्र लामिछाने, श्रीराम लामिछाने, सुरेश श्रेष्ठ र सुना परियार छन् ।
यसैगरी सो अविश्वासको प्रस्तावमा नेपाली काँग्रेस बागमती प्रदेशका सभापति तथा प्रदेशसभा सदस्य इन्द्रबहादुर बानियाँको पनि हस्ताक्षर छ ।
