पेस्तोलसहित भारतीय नागरिक पक्राउ
तु खबर संवाददाता२०८१ माघ ७, सोमबार ०९:०९
रौतहट । रौतहटबाट गएराति पेस्तोल र गोलीसहित एक जना भारतीय नागरिक पक्राउ परेका छन् ।
पक्राउ पर्नेमा भारत बिहार जिल्ला पूर्वी चम्पारण मोतिहारी वसन्तपुर ग्राम पञ्चायत ९ बस्ने वर्ष २६ को धनञ्जय कुमार झा रहेका छन् ।
उनीलाई सशस्त्र प्रहरीको गस्ती टोलीले सेमी अटोमेटिक पेस्तोल १ नाल, सोको म्यागेजिन १ वटा र ७.६५ एम एमको ४ राउण्ड गोलीसहित पक्राउ गरेको हो ।
बरामद पेस्तोल गोली र आरोपीले प्रयोग गरेको मोटरसाइकलसहित नियन्त्रणमा लिई आवश्यक अनुसन्धान एवम् कारबाहीको लागि आइतबार राती नै जिल्ला प्रहरी कार्यालय रौतहटमा बुझाइएको छ ।