एक दम्पती मृत अवस्थामा फेला

धनगढी । कञ्चनपुरमा आज बिहान एक दम्पती मृत अवस्थामा फेला परेका छन् ।

जिल्लाको लालझाडी गाउँपालिका–१ का ४५ वर्षीय रमेश बडायक र उनकी ४१ वर्षीया श्रीमती कमला मृत अवस्थामा फेला परेको प्रहरीले जनाएको छ ।

प्रहरीका अनुसार, उनीहरू दुवै जना आफ्नै घरको आँगनमा मृत भेटिएका हुन् । उनीहरु दुबै जनाको शरीरको विभिन्न भागमा धारिलो हतियार प्रहार भएको अवस्थामा शव फेला परेको हो ।

प्रदेश प्रहरी कार्यालय धनगढीबाट तालिम प्राप्त कुकुरसहितको टोली लालझाडीस्थित घटनास्थल पुगेको र घटनाको बारेमा आवश्यक अनुसन्धान गरिरहेको जनाइएको छ ।