कावासोतीमा जीप दुर्घटना हुँदा दुई जनाको मृत्यु

नवलपरासी । नवलपरासी (बर्दघाट सुस्ता पूर्व) नवलपुरको कावासोतीमा जीप दुर्घटना हुँदा दुई जनाको मृत्यु भएको छ ।

जिल्लाको कावासोती–१ बालुवाडाँडास्थित भित्री सडकखण्डमा बुलिङटारबाट कावासोतीतर्फ आइरहेको जीप दुर्घटना हुँदा दुई जनाको मृत्यु भएको प्रहरीले जनाएको छ ।

यस्तै, सोही दुर्घटनामा परेर २८ जना घाइते भएका छन् । घाइतेहरुलाई उद्धार गरेर नवलपुर अस्पताल र मध्यविन्दु जिल्ला अस्पताल पुर्याइएको छ ।

क्षमताभन्दा बढी यात्री बोकेकाले दुर्घटना भएको प्रहरीको अनुमान रहेको छ । प्रहरीका अनुसार, मृतक र घाइते सबैको हाल नाम पहिचान भएको छैन ।