स्थगित प्रतिनिधि सभा बैठक आज बस्दै
तु खबर संवाददाता२०८१ जेष्ठ ४, शुक्रबार ०८:२५
काठमाडौं । संघीय संसद्अन्तर्गत प्रतिनिधि सभाको बैठक आज बस्दै छ ।
बिहीबार कांग्रेसको अवरोधपछि स्थगित गरिएको प्रतिनिधि सभाको बैठक आज बिहान ११ बजे बस्ने गरी आह्वान गरेको संसद् सचिवालयले जनाएको छ ।
प्रतिपक्षको अवरोधकाबिच सभामुख देवराज घिमिरेले राष्ट्रपति कार्यालयबाट आएको पत्र पढेर सुनाएका थिए । उनले गृहमन्त्री लामिछानेलाई बोल्न समय पनि दिएपछि बैठकमा धकेलाधकेल भएको थियो ।
सहकारीको बचत अपचलनबारे गृहमन्त्री रवि लामिछानेमाथि छानबिन गर्नका लागि समिति गठन गर्नुपर्ने माग गर्दै कांग्रेसले अडान लिँदै आएको छ ।