मौसम अनुकूल भएसँगै हवाई सेवा संचालन
तु खबर संवाददाता२०८१ आश्विन १३, आईतवार १०:३७
काठमाडौं । मौसम अनुकूल भएसँगै हवाई सेवा संचालनमा आएको छ । त्रिभुवन अन्तर्राष्ट्रिय विमानस्थलका साथै देशका अन्य आठ वटा विमानस्थलबाट हवाई सेवा संचालनमा आएको हो ।
आज राति १० बजेसम्म ‘इन्स्ट्रुमेन्ट फ्लाइट रुल्स’ (आइएफआर) प्रणालीमा उडान अनुमति दिइएको त्रिभुवन अन्तर्राष्ट्रिय विमानस्थलका महाप्रबन्धक जगन्नाथ निरौलाले जानकारी दिए ।
उनका अनुसार, सुर्खेत विमानस्थलबाहेक सबै विमानस्थलबाट उडान भइरहेको छ । त्रिभुवन अन्तर्राष्ट्रिय विमानस्थलबाट सबै आन्तरिक र अन्तर्राष्ट्रिय उडान भइरहेका छन् ।
प्रतिकूल मौसमका कारण शुक्रबार र शनिबार चार सयभन्दा बढी उडान रद्द भएका थिए ।
यसअघि प्राधिकरणले खराब मौसमका कारण शुक्रबार साँझ ७ः०० बजेदेखि शनिबार दिउँसोसम्म सबै आन्तरिक उडान स्थगन गरेको थियो ।