बोलेरोको ठक्करबाट एक जनाको मृत्यु

पोखरा । पोखरामा बोलेरो गाडीको ठक्करबाट आइतबार एक जनाको मृत्यु भएको छ ।

लेखनाथस्थित आदर्श चोकमा ग ३ च ४७५७ नम्बरको बोलेरोले ठक्कर दिँदा एक जनाको मृत्यु भएको हो ।

मृत्यु हुनेमा स्थानीय वर्ष ५७ को सोनु खड्का रहेको प्रहरीले जनाएको छ ।

प्रहरीका अनुसार, दुर्घटनामा परेर उनी गम्भीर घाइते भएकी थिइन् । घाइते उनको उपचारको क्रममा पोखरा स्वास्थ्य विज्ञान प्रतिष्ठानमा उपचारको क्रममा मृत्यु भएको हो ।

उक्त घटनाको बारेमा प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।