सडक भासिँदा पूर्वपश्चिम राजमार्ग अवरुद्ध

काठमाडौँ । सडक भासिँदा पूर्वपश्चिम राजमार्ग अवरुद्ध भएको छ ।

नारायणगढ–बुटवल सडकखण्डअन्तर्गत नवलपरासी (बर्दघाट–सुस्तापूर्व) मा सडक भासिएको हो ।

सोमबार साँझदेखि परेको वर्षाका कारणका गएराति गैँडाकोट–९ थुम्सीको जङ्गलमा सडक भासिएको प्रहरीले जनाएको छ ।

निर्माणाधीन उक्त सडक भासिँदा राजमार्ग दुईतर्फी नै अवरुद्ध भएको प्रहरीले जनाएको छ ।

अवरुद्ध सडकमा ट्रक फसेकाले त्यसलाई हटाउने कार्य भइरहेको छ ।