पूर्वमन्त्री अब्दुल खान चढेको जिप दुर्घटना

काठमाडौं । पूर्वमन्त्री अब्दुल खान चढेको जिप सोमबार बिहान दुर्घटनामा भएको छ ।

काठमाडौंबाट बर्दिया जाँदै गरेका खान चढेको जिप धादिङको रोराङ गाउँपालिकास्थित कृष्णभिरमा दुर्घटना भएको जिल्ला प्रहरी कार्यालय धादिङले जनाएको छ ।

उक्त दुर्घटनामा परेर खान, उनका चालक, स्वकीय सचिव र कम्यूटर अपरेटर घाइते भएका छन् । घाइते उनीहरुलाई उपचारको लागि काठमाडौं लगिएको छ ।

खानको देब्रे हातमा चोट लागेको छ । उक्त घटनाको बारेमा आवश्यक अनुसन्धान भइरहेको धादिङ प्रहरीले जनाएको छ ।