आज हल्का वर्षा र हिमपातको सम्भावना

तु खबर संवाददाता
२०८० मंसिर १२,मंगलवार ०९:४२
file-photo

काठमाडौं । मौसम पूर्वानुमान महाशाखाले आजको मौसम पूर्वानुमान जारी गरेको छ । महाशाखाले जारी गरेको पूर्वानुमान अनुसार, आज हल्का वर्षा र हिमपातको सम्भावना रहेको छ ।

महाशाखाले आज देशका पहाडी भूभागमा आंशिकदेखि सामान्य बदली रही देशका पहाडी भूभागका केही स्थानमा हल्का वर्षा र उच्च पहाडी तथा हिमाली भूभागका केही स्थानहरूमा हल्का हिमपातको सम्भावना रहेको जानकारी गराएको हो ।

यस्तै, महाशाखाले हाल देशमा पश्चिमी वायुको सामान्य प्रभाव रहेको र त्यसको प्रभावले हाल सुदूरपश्चिम, कर्णाली, लुम्बिनी र गण्डकी प्रदेश लगायत बाँकी प्रदेशका पहाडी भूभागमा आंशिकदेखि सामान्य बदली रहेको उल्लेख गरेको छ ।