मकवानपुरको कैलाशमा उपाध्यक्ष कप भलिबल प्रतियोगिता हुने

मकवानपुर । मकवानपुरको कैलाश गाउँपालिकाकामा उपाध्यक्ष कप पुरुष भलिबल प्रतियोगिता हुने भएको छ । उक्त प्रतियोगिता यही चैत्र १८ गतेदेखि २० गतेसम्म संचालन हुने कैलाश गाउँपालिका खेलकुद विकास समितिका सदस्य रवीन्द्र थिङले जानकारी दिए ।

कैलाश–३, कालिकाटारमा हुने प्रतियोगिताको लागि चैत्र १६ गतेसम्म टिम दर्ता हुने र सोही दिन खेल तालिका सार्वजनिक गर्ने थिङले बताए । उनका अनुसार, उक्त प्रतियोगितामा पालिकाका १० वटै वडाबाट सहभागीता जनाउनेछन् ।

प्रतियोगिताको विजेता टिमले नगद ६० हजार रुपैयाँ, उपविजेता टिमले नगद ४० हजार रुपैयाँ, तृतीय हुने टिमले २० हजार र सान्त्वना हुने वडाले नगद १० हजार रुपैयाँसहित शिल्ड मेडल प्राप्त गर्ने आयोजकले जनाएको छ ।