हेटौंडमा कार्यव्यवस्था समितिको बैठक बस्दै

तु खबर संवाददाता

२०७६ पुष २३, बुधबार १२:०७

हेटौंडा, २३ पुस । प्रदेश ३ को प्रदेशसभा बैठक आज बुधवार दिउँसो ३ बजे पुनः बस्दैछ । सोमबारबाट सुरु भएको प्रदेशसभाको बैठक आज पुनः बस्न लागेको हो ।

प्रदेशसभा बैठक अगाडि कार्यव्यवस्था परामर्श समितिको बैठक बसिरहेको छ । कार्यव्यवस्था समितिको बैठकले आज दिउँसो बस्ने सदनको कार्यतालिका तय गर्नेछ ।

आजको बैठकमा प्रदेश ३ को राजधानी र नामाकरणको प्रक्रियामात्र अगाडि बढ्ने भएको सभामुख सानुकुमार श्रेष्ठले जानकारी दिए । प्रदेशको राजधानी र नामाकरणको स्थायित्वका लागि सदनमा महत्वपूर्ण मानिएको मतदान प्रक्रिया भने तत्काल अगाडि नबढ्ने भएको छ ।

यसअघि कार्यव्यवस्था परामर्श समितिको बैठक दुईपटक बसिसकेको छ । मन्त्रीपरिषद्ले प्रदेशसभा बैठक बोलाउन प्रदेश प्रमुखलाई सिफारिस गर्ने निर्णय गरेपछि तत्काल बसेको कार्यव्यवस्था परामर्शक समितिको बैठकले राजधानी र नामको प्रक्रिया अगाडि बढाएर २२ गते मतदान गर्ने कार्यतालिका तय गरेको थियो ।

राजधानीको विषयमा विवाद हुँदा २२ गते हुने भनिएको मतदानको मिति सरेको थियो । पुस २१ गते पुनः बसेको कार्यव्यवस्था समितिको बैठकले सोही दिनको प्रदेशसभा बैठकमा प्रदेशको नाम सम्बन्धी कार्यविधि प्रस्ताव संसदमा लैजाने निर्णय गरेको थियो । उक्त प्रस्ताव संसदले पारित गरिसकेको छ ।

सभामुख श्रेष्ठले सहमतिको आधारमा राजधानीको स्थान र नाम तोक्नका लागि दलहरुले आन्तरिक तयारी गरिरहेको जानकारी गराएको बताए ।

सहभामुख श्रेष्ठले दलहरु बीच सहमति भएपनि प्रदेशको स्थायी राजधानी र नामाकरणको विषयमा सदनबाट मतदान प्रक्रियाबाटै टुंग्याउनु पर्ने संवैधानिक व्यवस्था रहेको बताए । उनले मतदानको मिति कार्य व्यवस्था तथा परामर्श समितिको बैठकबाटै टुंग्याइने जानकारी दिए ।

नेकपा प्रदेशसभामा कुल ११० सांसदमध्ये नेकपाको ८० मत छ भने कांग्रेसको २२ र अन्य दलको आठ मत रहेको छ । प्रदेश स्थायी राजधानीका लागि दुई तिहाई अर्थात ७४ मत भए पुग्छ ।

हेटौंडमा कार्यव्यवस्था समितिको बैठक बस्दै

यो पनि पढ्नुहोस्

यसमा तपाइको मत Cancel reply

ताजा समाचार

मीनबहादुर गुरूङले दान दिएको जग्गा फिर्ता गर्ने एमालेको निर्णय

विपक्षी अवरोधका बीच प्रतिनिधिसभा सञ्चालन, निर्वाचनसम्बन्धी अध्यादेश अगाडि बढाइँदै

क्यानाडा सरकारद्वारा टोरन्टोका १० व्यवसायलाई सहयोग गर्न ९० लाख डलर लगानीको घोषणा

अख्तियार प्रमुख राई र एपिजी प्रतिनिधिमण्डलबीच भेटवार्ता

प्रेस काउन्सिलको अध्यक्ष खुला प्रतिस्पर्धाबाट नियुक्त गरिंदै