ठगी गरेको आरोपमा पक्राउ

कोहलपुर । बाँके प्रहरीले ठगी गरेको आरोपमा एक जनालाई पक्राउ गरेको छ । प्रहरीले आफूलाई अख्तियार दुरुपयोग अनुसन्धान आयोगको कर्मचारी भन्दै ठगी हिँड्ने एक जनालाई पक्राउ गरेको हो ।

पक्राउ पर्नेमा चितवनको भरतपुर महानगरपालिका घर भई हाल नेपालगञ्ज उपमहानगरपालिका–२० बस्ने मोहन कोइराला रहेको प्रहरीले जनाएको छ ।

प्रहरीका अनुसार, विगत केही समयदेखि एक जना व्यक्तिले बाँके जिल्लाका विभिन्न सरकारी कार्यालय तथा संघसंस्थामा पुगेर आफू अख्तियार दुरुपयोग अनुसन्धान आयोगको कर्मचारी हुँ भन्दै ठग्ने र लाभ लिने गरेको सूचनाका आधारमा पुगेको टोलीले कोइरालालाई पक्राउ गरिएको हो ।

उनलाई अख्तियार दुरुपयोग अनुसन्धान आयोग बुटवल, सम्पर्क कार्यालय नेपालगञ्ज तथा जिल्ला प्रहरी कार्यालय बाँकेबाट खटिएको प्रहरी टोलीले पक्राउ गरेको हो ।

पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको बाँके प्रहरीले जनाएको छ ।