भोलिदेखि प्रतिनिधि सभाका १० वटा विषयगत समितिको बैठक बस्ने

काठमाडौं । मंगलबारदेखि प्रतिनिधि सभा अन्तर्गत रहेका १० वटा विषयगत समितिको बैठक सुरु हुने भएको छ । गठन भएका सबै समितिको पहिलो बैठक बिहान ९ बजेदेखि सुरु हुने संघीय संसद् सचिवालयले जनाएको छ ।

प्रतिनिधि सभा सुरु भएको ५ महिनापछि र समिति गठन भएको झण्डै २ सातापछि संसदीय समितिहरूको बैठक बस्न लागेको हो ।

समिति सभापति निर्वाचित हुनुअघि सुरुवातका बैठकहरू समितिमा रहेका ज्येष्ठ सदस्यको सभापतित्वमा बस्ने सचिवालयका प्रवक्ता एकराम गिरीले जानकारी दिए ।