राष्ट्रपतिद्वारा संसद विघटनको घोषणा
तु खबर संवाददाता२०७७ पुष ५, आईतवार १५:०२
काठमाडौं । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद विघटन गरेकी छन् ।
आइतबार बिहान बसेको मन्त्रिपरिषद् बैठकपछि प्रधानमन्त्री ओलीले संसद विघटन गर्ने प्रस्ताव राष्ट्रपतिसमक्ष लगेका थिए ।
प्रधानमन्त्री ओलीले ल्याएको उक्त प्रस्तावलाई स्वीकारर्दै राष्ट्रपति भण्डारीले संविधानको धारा ७६ को उपधारा १ र ७ तथा धारा ८५ र संसदीय प्रणालीको आधारभूत मर्म एवं मूल्यमान्यता बमोजिम भन्दै आज संसद विघटनको घोषणा गरेकी हुन् ।
संसद विघटनको घोषणा गर्दै राष्ट्रपति भण्डारीले २०७८ वैशाख १७ गते पहिलो चरण र २७ गते दोस्रो चरणमा प्रतिनिधिसभाको निर्वाचन गर्ने मितिसमेत तोकेकी छन् ।
