हेटौंडामा जारी नकआउट फुटबलको आज दुई खेल सम्पन्न

मकवानपुर । मकवानपुरको हेटौंडा उपमहानगरपालिका वडा नम्बर १३ मा जारी नकआउट फुटबलको आज दुई खेल सम्पन्न भएको छ ।

बडादशैं र शुभदिपावलीको अवसरमा आधामार टोल विकास संस्थाले आयोजना गरेको उक्त प्रतियोगिताको आज दोस्रो दिन दुई खेल सम्पन्न भएको हो ।

आज पहिलो खेलमा समृद्धि टोल विकासलाई पराजित गर्दै नमोबुद्ध टोल विकासले विजयी हाँसिल गरेको थियो । १ बजेबाट सुरु भएको पहिलो खेलमा समृद्धिलाई २–१ गोल अन्तरगतले पराजित गर्दै नवबुद्धले  विजयी हाँसिल गरेको हो ।

यस्तै, आजै भएको दोस्रो खेलमा रमन्थली टोल विकासले गौरब टोल विकासलाई ३–० गोल अन्तरगत पराजित गरेको थियो । उक्त खेल ३ः३० बजेदेखि सुरु भएको थियो ।

बिहीबारबाट सुरु भएको उक्त प्रतियोगिता कात्तिक १४ गतेसम्म संचालन हुनेछ । प्रतियोगिताको भोलि पनि दुई खेल हुँदैछ । भोलि मुस्कान टोल विकास र पदमसम्बद टोल विकासबीच पहिलो खेल हुनेछ भने हिमचुली र सृजनशील टोल विकास संस्थाबीच दोस्रो खेल हुनेछ ।

प्रतियोगिताको प्रथम हुने समूहले ५० हजार रुपैया र द्धितिय समूहले २५ हजार रुपैयाँ प्राप्त गर्नेछन् ।