लागूऔषधसहित हेटौंडाबाट एक जना पक्राउ

मकवानपुर । पूर्व–पश्चिम सडकखण्ड अन्तरगत मकवानपुरको हेटौंडा उपमहानगरपालिका वडा नम्वर १५, रातोमाटेबाट लागूऔषधसहित एक जना पक्राउ परेका छन् ।

पक्राउ पर्नेमा मकवानपुरको राक्सिराङ गाँउपालिका वडा नं. ८ बस्ने वर्ष ३४ को शंकर तितुङ रहेको जिल्ला प्रहरी कार्यालय मकवानपुरका प्रहरी निरक्षिक ठाकुरप्रसाद सापकोटाले जनाएको छ ।

प्रहरी निरीक्षक सापकोटाका अनुसार, उनलाई मंगलबार प्रहरी चौकी रातोमाटे मकवानपुरबाट खटिएको प्रहरी टोलीले पक्राउ गरेको हो ।

विरगंजबाट हेटौंडातर्फ आउँदै गरेको ना ५ ख ८१८१ नम्वरको यात्रुबाहक बस रोकी चेकजाँच गर्ने क्रममा बसमा सवार तितुङको साथबाट लाऔषध ओनरेक्स १०० एम.एल.को १५ बोतल बरामद भएपछि निजलाई पक्राउ गरिएको हो ।

पक्राउ परेका उनलाई जिल्ला अदालत मकवानपुरमा उपस्थित गराई लागूऔषध कसुर मुद्धामा १५ दिनको म्याद थप अनुमती लिई कानूनी प्रकृया अगाडि बढाइएको छ ।