स्रोत नखुलेको साढे ११ लाख रुपैयाँसहित एक जना पक्राउ

महोत्तरी । मनरासिस्वा नगरपालिका–२ भोल्ही चोकबाट स्रोत नखुलेको नगद ११ लाख ८१ हजार ३ सय रूपैयाँसहित प्रहरीले एक जनालाई पक्राउ गरेको छ ।

पक्राउ पर्नेमा सम्सी गाउँपालिका–६ सम्सी, गाँउ बस्ने ४२ वर्षीय शेष हसमत अली रहेको प्रहरीले जनाएको छ ।

उनलाई प्रहरी कार्यालय महोत्तरी र प्रहरी चौकी ईटहर्वाकट्टीबाट खटिएको प्रहरीले पक्राउ गरेको हो ।

प्रहरीका अनुसार, प्र.२–०२–००५ प ५९९५ नम्बरको मोटरसाइकललाई जाँच गर्ने क्रममा मोटरसाइकलमा सवार उनलाई उक्त परिणामको नगदसहित पक्राउ गरिएको हो ।

पक्राउ परेका उनीमाथि प्रहरीले आवश्यक अनुसन्धान गरिरहेको छ ।