लागूऔषधसहित एक जना पक्राउ
तु खबर संवाददाता२०८१ भाद्र १६, आईतवार ०९:३३
कैलाली । कैलालीको धनगढी उपमहानगरपालिका–८ स्थित क्याम्पस चोकबाट अवैध लागूऔषध चरेशसहित शनिबार एक जना पक्राउ परेका छन् ।
पक्राउ पर्नेमा बझाङको केदारस्युँ गाउँपालिका–७ घर भएका ४२ वर्षीय जनक धामी रहेका छन् ।
उनलाई वडा प्रहरी कार्यालय धनगढीबाट खटिएको प्रहरीले पक्राउ गरेको हो ।
प्रहरीले उनको साथबाट करिब ४ किलो ५ सय ग्राम र नगद ७५ हजार रूपैयाँ बरामद गरेको छ ।
पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।