बागमती प्रदेश सभा बैठक बस्दै

मकवानपुर । बागमती प्रदेश सभाको बैठक आज पनि बस्ने भएको छ । बैठक बिहान ११ बजे बस्ने गरी आह्वान गरेको प्रदेश सभा सचिवालयले जनाएको छ ।

उक्त बैठकमा विशेष समय हुनेछ । विशेष समयमा प्रदेश सभाका सदस्यहरुले आ–आफ्नो धारण, समस्या र सुझाव दिनेछन् ।

साथै आजको बैठकमा केही विधेयकहरु पेस गर्ने कार्यसूची रहेको जनाइएको छ ।

प्रदेश सभाको मंगलबार बसेको बैठकबाट प्रदेश सरकारको आगामी आर्थिक वर्ष २०८१–०८२ को नीति तथा कार्यक्रमको सिद्धान्त र प्राथमिकता सम्बन्धमा कर प्रस्ताव बाहे्क सभामा छलफल गरियोस् भन्ने प्रस्ताव स्वीकृत भएको थियो ।

सो प्रस्ताव प्रदेशका आर्थिक मामिला तथा योजनामन्त्री जगन्नाथ थपलियाले प्रदेश सरकारको तर्फबाट सभामा पेस गरेका थिए ।