समाजवादी मोर्चाको बैठक स्थगित

काठमाडौं । समाजवादी मोर्चाको बैठक स्थगित गरिएको छ । आइतबार अपराह्न ४ बजे बस्ने भनिएको बैठक स्थगित गरिएको हो ।

माओवादी केन्द्रको बैठक दिउँसो ३ बजेलाई सरेपछि बैठक स्थगित भएको मोर्चा संयोजक नेत्रविक्रम चन्द विप्लवको सचिवालयले जनाएको छ ।

स्थगित उक्त बैठक भोलि सोमबार बिहान ८ बजे बस्ने विप्लवका सहयोगी अडिग बोगटीले जानकारी दिए ।

आजको बैठकले काठमाडौंसहित सातै प्रदेशका मुख्य सहरमा अन्तरक्रिया कार्यक्रमको समय तालिका घोषणा गर्ने कार्यसूची रहेको थियो ।