कांग्रेसको ७८ औँ स्थापना दिवस आज मनाइँदै
तु खबर संवाददाता२०८० माघ १२, शुक्रबार ०८:४९
काठमाडौं । संसद्को सबैभन्दा ठुलो दल नेपाली कांग्रेसको ७८ औँ स्थापना दिवस आज मनाइँदैछ ।
नेपाली राष्ट्रिय कांग्रेसको पहिलो अधिवेशन भएको मिति २००३ माघ १२ लाई आधार मानेर कांग्रेसले हरेक वर्ष स्थापना दिवस मनाउँदै आएको छ ।
स्थापना दिवसको सन्दर्भमा केन्द्रीय कार्यालयसहित सातै प्रदेश र जिल्लाहरूमा विभिन्न कार्यक्रम गरी स्थापना दिवस मनाउने भएको हो ।
केन्द्रीय कार्यालयमा सभापति शेरबहादुर देउवा समेतको उपस्थितिमा दिउँसो २ बजे श्रद्धा, सङ्कल्प र सम्मान कार्यक्रम हुने मुख्यसचिव कृष्णप्रसाद पौडेलले जानकारी गराए ।