चरेश र अफिमसहित एक दम्पती पक्राउ

बाँके । बाँकेको कोहलपुर नगरपालिका–८, पिपिरीबाट अवैध लागूऔषध चरेशसहित प्रहरीले शनिबार एक दम्पतीलाई पक्राउ गरेको छ ।

प्रहरीले १२ केजी ७ सय ४ ग्राम र अफिम २ केजी ४५ ग्रामसहित एक दम्पतीलाई पक्राउ गरेको हो ।

पक्राउ पर्नेहरुमा सोही ठाउँ बस्ने ४० वर्षीय रेवन्त राना र उनकै श्रीमती ३३ वर्षीया कबिता थापा रहेको प्रहरीले जनाएको छ ।

उनीहरुलाई विशेष सूचनाको आधारमा पुगेको ईलाका प्रहरी कार्यालय कोहलपुरबाट खटिएको प्रहरीले पक्राउ गरेको हो ।

उनीहरूको घर, कार तथा सोही ठाउँस्थित यज्ञ रानाको खाली घरमा समेत उनीहरूले लुकाई राखेको उक्त परिमाणको लागूऔषधसहित फेला परेपछि दुबै जनालाई पक्राउ गरिएको हो ।

पक्राउ परेका उनीहरुमाथि प्रहरीले आवश्यक अनुसन्धान गरिरहेको जनाइएको छ ।