अवैध लागूऔषधसहित दुई जना पक्राउ

कपिलवस्तु । कपिलवस्तुको बाणगंगा नगरपालिका–३ कर्महनाबाट प्रहरीले अवैध लागूऔषध ब्राउन सुगरसहित दुई जनालाई पक्राउ गरेको छ ।

पक्राउ पर्नेहरुमा सोही नगरपालिका–२ बस्ने ३४ वर्षीय दिनेश घिमिरे र सोही नगरपालिका–१ बस्ने ३० वर्षीय बिजय राई रहेका छन् ।

प्रहरीले ४ ग्राम २ सय मिलिग्राम ब्राउन सुगरसहित २ जनालाई पक्राउ गरेको हो । उनलाई प्रहरी चौकी गजेहडाबाट खटिएको प्रहरीले पक्राउ गरेको हो ।

प्रहरीका अनुसार, लु १८ प ५५०८ नम्बरको मोटरसाइकललाई जाँच गर्ने क्रममा उनीहरूलाई उक्त पदार्थसहित फेला पारी पक्राउ गरिएको हो ।

पक्राउ परेका उनीहरुमाथि प्रहरीले आवश्यक अनुसन्धान गरिरहेको जनाएको छ ।