एकीकृत समाजवादीले सोध्यो न्यौपानेलाई स्पष्टीकरण

काठमाडौं । नेकपा एकीकृत समाजवादीले नेता मुकुन्द न्यौपानेलाई स्पष्टीकरण सोधेको छ । मंगलबार बसेको सो पार्टीको केन्द्रीय सचिवालय बैठकले न्यौपानेलाई सात दिने स्पष्टीकरण सोधेको एक नेताले जानकारी दिए ।

न्यौपानेले विगत केही समययता लगातार कार्यकर्ता भड्काउने गरी स्ट्याटस लेखेको निष्कर्षसहित पार्टीले स्पष्टीकरण सोधिएको हो । तर, एकीकृत समाजवादीले उक्त निर्णय गोप्य राखेको छ ।

यस्तै, सो पार्टीको मंगलबारकै बैठकले उपाध्यक्ष केदार न्यौपाने र नेता चूडामणि जंगलीले दिएको राजीनामा पनि स्वीकृत गरेको छ ।