राप्रपाले केन्द्रीय प्रशिक्षक प्रशिक्षण गर्दै

तु खबर संवाददाता
२०७९ असार १०,शुक्रबार १०:२८

काठमाडौं । राष्ट्रिय प्रजातन्त्र पार्टी (राप्रपा) ले केन्द्रीय प्रशिक्षक प्रशिक्षण कार्यक्रम गर्ने भएको छ । शनिबारदेखि काठमाडौंमा हुने प्रशिक्षक प्रशिक्षणमा सात वटै प्रदेशबाट सहभागिता रहनेछ ।

स्थानीय तहको निर्वाचनको परिणाम, पार्टीको सांगठनिक अवस्था, आगामी प्रदेश र संघको निर्वाचनमा पार्टीको रणनीति, पार्टीको सैद्धान्तिक वैचारिक पक्षमा देशभरका कार्यकर्तालाई प्रशिक्षित तुल्याउने उद्देश्यले प्रशिक्षक प्रशिक्षण कार्यक्रम संचालन गर्न लागेको सो पार्टीका उपाध्यक्ष एवम् प्रशिक्षण विभागका प्रमुख ध्रुवबहादुर प्रधानले जानकारी दिए ।

आइतबारसम्म चल्ने प्रशिक्षक प्रशिक्षणमा अध्यक्ष राजेन्द्र लिङ्देनले समसामयिक राजनीतिक परिस्थिति र पार्टीको अबको रणनीति विषयमा प्रशिक्षण दिने विभागका सदस्य सचिव दिनेश कार्कीले बताए ।

कार्कीका अनुसार उपाध्यक्ष ध्रुव बहादुर प्रधान, प्रा.डा. गिताभक्त जोशी, पूर्वमन्त्री निरञ्जन थापा, वरिष्ठ अधिवक्ता भिमार्जुन आचार्य, प्रवक्ता भक्ति प्रसाद सिटौला, सहायक महामन्त्री रमानन्द न्यौपाने, केन्द्रीय सदस्य डा.राजेश गिरी, अष्ट्रेलियाका लागि नेपालका पूर्व राजदूत महेश दाहाल, आइटी विज्ञ विप्लव मान सिंह, रविन कटुवालले विभिन्न विषयमा प्रशिक्षण दिने कार्यक्रम रहेको छ ।