कांग्रेस सभापति देउवा प्रधानमन्त्री नियुक्त
तु खबर संवाददाता२०७८ असार २९, मंगलवार १३:५३
मकवानपुर । नेपाली कांग्रेसका सभापति शेरबहादुर देउवा प्रधानमन्त्री नियुक्त भएका छन् ।
राष्ट्रपति विद्यादेवी भण्डारीले देउवालाई प्रधानमन्त्री नियुक्त गरेकी हुन् ।
सर्वोच्च अदालतले मंगलबार अपरान्ह ५ बजेसम्म देउवालाई प्रधानमन्त्री नियुक्त गर्न परमादेश दिएको थियो ।
सोही अनुसार राष्ट्रपतिले मंगलबार दिउँसो देउवालाई प्रधानमन्त्री नियुक्त गरेको राष्ट्रपति कार्यालयले जनाएको छ ।
उनको शपथ ग्रहण कार्यक्रम साँझ ६ बजेका लागि तय भएको जनाइएको छ ।