राष्ट्रिय जनमोर्चा सरकारमा जाने संभावना कम
तु खबर संवाददाता२०७८ असार २९, मंगलवार १२:३०
मकवानपुर । राष्ट्रिय जनमोर्चा पार्टीले देउवा नेतृत्वको सरकारमा जाने संभावना कम रहेको जनाएको छ ।
पार्टी उपाध्यक्ष दुर्गा पौडेलले आजै सरकारमा सहभागि हुने संभावना कम रहेको बताइन् ।
पार्टीको बैठक नै नबसेकाले सरकारमा सहभागी हुने सम्भावना कम रहेको उनको भनाइ छ ।
उपाध्यक्ष पौडेलले पार्टीको बैठक भोलि बस्ने र संस्थागत निर्णयपछि मात्रै सरकारमा जाने वा नजाने भन्नेबारे थाहा लाग्ने बताएकी हुन् ।
कांग्रेस सभापति शेरबहादुर देउवाले आजै सानो आकारको मन्त्रीमण्डलसहित प्रधानमन्त्री पदको शपथ ग्रहण गर्ने तयारी गरेका छन् । पार्टीबाट सरकारमा जाने मन्त्रीहरुको बारेमा देउवा बिहानैदेखि परामर्शमा व्यस्त छन् ।