नेकपा सचिवालयको बैठक सार्न ओली पक्षको प्रस्ताव
तु खबर संवाददाता२०७७ मंसिर २, मंगलवार १६:४९
काठमाडौं । सत्तारुढ नेपाल कम्युनिस्ट पार्टी (नेकपा) सचिवालयको बुधबार बस्ने बैठक केही दिन पछाडि सार्न केपी ओली पक्षले पुष्पकमल दाहाल (प्रचण्ड) र माधव नेपाल पक्षसँग प्रस्ताव गरेको छ ।
कात्तिक २८ गते सुरु भएको सचिवालय बैठक भोलि बुधबार दिउँसो १ बजे बालुवाटारमा बस्ने गरी तय भएको थियो ।
प्रधानमन्त्री केपी ओली पक्षले बुधबारको बैठक केही दिन पछि सार्न कार्यकारी अध्यक्ष प्रचण्डलाई प्रस्ताव गरेको बालुवाटार स्रोतले बतायो ।
तर, प्रचण्डले भने बैठक सार्नेरनसार्ने विषय बैठकबाटै टुंगो लगाउनुपर्ने जवाफ दिएको बुझिएको छ ।