परेवाभीरको लागि संघीय सरकारको तर्फबाट २ करोड विनियोजन

तु खबर संवाददाता
२०७७ भाद्र १९,शुक्रबार १८:५१
file-photo

मकवानपुर । राक्सिराङको परेवाभीरमा व्यवस्थित सडक निमार्णका लागि संघीय सरकारको तर्फबाट २ करोड रुपैयाँ विनियोजन भएको छ ।

राक्सिराङ–मनहरीबाट धादिङ जोड्ने छोटो दुरीको सडक निर्माणका लागि अवरोध मानिएको परेवाभीरमा व्यवस्थित सडक निर्माणका लागि अर्थ मन्त्रालयबाट २ करोड रुपैयाँ विनियोजन भएको हो ।

मन्त्रालयले आधिकारिक पत्र लेखेर मकवानपुरको राक्सिराङ गाउँपालिकामा रहेको परेवाभीरको लागि ससर्त अनुदानको रुपमा २ करोड रुपैयाँ विनियोजन उपलब्ध गराउने जानकारी दिएको हो ।

यसअघि राक्सिराङ गाउँपालिकाले ससर्त अनुदानको रुपमा २ करोड रुपैयाँ विनियोजन गरी बहुवर्षीय बोलपत्र आह्वान गरेको थियो ।

परेवाभीर खण्ड निर्माणका लागि ६ करोड ६१ लाख ६९ हजार लागत लाग्ने अनुमान भएकोमा गाउँपालिकाले २ करोड विनियोजन गरी बहुबर्षीय ठेक्का आह्वान गरेको हो ।

थप दुई करोड रुपियाँ संघीय सरकारको समेत थपिएसँगै परेवाभीरमा व्यवस्थित सडक निर्माणको लागि ४ करोड रुपैयाँ विनियोजन भएको छ ।


यसमा तपाइको मत

Your email address will not be published. Required fields are marked *


*