डा. गोविन्द केसीको दुई दिने अनसन सुरु
तु खबर संवाददाता२०७७ जेष्ठ २०, मंगलवार १३:५३
डोटी । डा. गोविन्द केसीले मंगलबार दार्चुलामा अनसन सुरु गरेका छन् ।
डा. केसीले सदरमुकाम खलंगाको जगन्नाथ मन्दिरमा १८ औं अनसन सुरु गरेका हुन् ।
यसअघि चिकित्सा शिक्षा सुधारको माग राखेर अनसन बस्दै आएका उनले यसपटक भने सीमा सुरक्षाको बिषयलाई जोड दिँदै अनसन बसेका हुन् ।
उनी आज र भोली अनसन बस्नेछन् ।
उनले दार्चुलालगायत सीमा क्षेत्रका बासिन्दाका लागि यातायातको सहज पहुँच, गुणस्तरीय स्वास्थ्य, शिक्षा र रोजगारीको व्यवस्था, भारतबाट मिचिएको नेपाली भुमि फिर्ता गर्ने प्रक्रिया तत्काल सुरु गर्नुपर्ने मागराखेका छन् ।
डा. केसीले यसअघि गत कात्तिक १८ गतेदेखि डडेल्धुरा जिल्ला सदरमुकाममा १७ औं पटक अनसन बसेका थिए ।