मनहरीमा जंगली हात्तीको आक्रमणबाट अटोमा क्षति
मकवानपुर, ३ माघ । मकवानपुरको मनहरी गाउँपालिका वडा नं. २ र ३ को सिमानास्थित ठाडोखोलामा बिहिबार जंगली हात्तीको आक्रमणबाट अटोमा क्षति पुगेको छ ।
हात्तीको आक्रमणबाट प्रदेश नं. ३–०३–००१ ह २३९ नम्बरको अटोमा क्षति पुगेको हो ।
हात्तीको आक्रमणबाट मानबीय क्षति भने नभएको जिल्ला प्रंहरी कार्यालय मकवानपुरले जनाएको छ ।
प्रहरीका अनुसार, जंगलबाट हात्ती आएको देखेपछि अटो चालक भागेका थिए ।
जंगली हात्ती आतंकका कारण मनहरीका स्थानी विद्यालयहरुमा पठनपाठन समेत प्रभाबित बनेको छ ।
जंगलमा हात्ती देखिएपछि मध्यवर्ती उपभोक्ता समिति मनहरीले स्थानीयमा सचेत हुन सूचना जारी गरिएको छ ।