भरूवा बन्दुकसहित युवक पक्राउ
तु खबर संवाददाता२०८१ बैशाख ६, बिहीबार १५:२६
काभ्रे । काभ्रेबाट प्रहरीले गएराति एक नाल भरुवा बन्दुकसहित एक युवकलाई पक्राउ गरेको छ ।
पक्राउ पर्नेमा जिल्लाको महाभारत गाउँपालिका–७ गैरी टोल बस्ने २५ वर्षीय प्रेम कुमार घलान रहेका छन् ।
घलानलाई इलाका प्रहरी कार्यालय देबिटारबाट खटिएको प्रहरीले पक्राउ गरेको हो ।
प्रेमले आफ्नै श्रीमतीलाई मादक पदार्थ सेवन गरी भरूवा बन्दुक देखाई कुटपिट गरेको भन्ने खबर प्राप्त हुनासाथ पुगेको प्रहरीले उनलाई उक्त बन्दुकसहित पक्राउ गरेको जनाएको छ ।
पक्राउ परेका उनीमाथि प्रहरीले आवश्यक अनुसन्धान गरिरहेको छ ।