१० संसदीय समितिको बैठक बस्दै

काठमाडौं । आज एकैपटक १० वटा संसदीय समितिको बैठक बस्दैछ । बैठक दिउँसो ३ बजेदेखि सुरु हुनेछ ।

प्रतिनिधि सभा निर्वाचन भएको १० महिनापछि आजै संसदीय समितिले सभापति पाउँदै छन् ।

१० वटा संसदीय समितिको सभापतिका लागि ९ वटा समितिमा एकल मनोनयन दर्ता भएकाले निर्विरोध निर्वाचित भइसकेका छन् । यद्यपि घोषणा हुन भने बाँकी छ ।

एउटा समितिमा दुई जनाको मनोनयन परेका कारण निर्वाचन प्रक्रियाबाट सभापति चयन हुँदैछ ।