अस्ट्रेलिया पठाइदिन्छु भन्दै ३० लाख ठगी गर्ने एक जना पक्राउ
तु खबर संवाददाता२०८० बैशाख १७, आईतवार १६:३०
काठमाडौ । अस्ट्रेलिया पठाइदिन्छु भन्दै रकम ठगी गरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा चितवनको भरतपुर महानगरपालिका–४ घर भई हाल काठमाडौं महानगर–१, लाजिम्पाटमा बस्ने २७ वर्षीय सञ्जय रेग्मी रहेका छन् ।
काठमाडौं उपत्यका अपराध अनुसन्धानको टोलीले उनलाई काठमाडौंको दरवारमार्गबाट पक्राउ गरेको हो ।
पक्राउ परेका उनीमाथि आवश्यक अनुसन्धानका साथै कारबाहीका लागि वैदेशिक रोजगार विभाग बुद्धनगर पठाइएको प्रहरीले जनाएको छ ।