बैकिङ कसुर मुद्दामा फरार कार्की पक्राउ
तु खबर संवाददाता२०७९ पुष ५, मंगलवार १७:०३
काठमाडौं । प्रहरीले काठमाडौंको बानेश्वरबाट बैकिङ कसुर मुद्दामा फरार प्रतिवादीलाई पक्राउ गरेको छ । पक्राउ पर्नेमा काभ्रेको बनेपा नगरपालिका–१ घर भएका श्रीकृष्ण कार्की रहेका छन् ।
कार्कीलाई उच्च अदालत पाटनले २०७७ पुस २८ मा ११ लाख ९५ हजार जरिवाना र ७ दिन कैद सजाय हुने फैसला गरेको थियो । फैसलापछि फरार कार्कीलाई पक्राउ गरेको प्रहरीले जनाएको छ ।
पक्राउ परेका उनलाई जिल्ला अदालत काठमाडौंमा उपस्थित गराइएको उपत्यका अपराध अनुसन्धान कार्यालयले जानकारी दिए ।