बुधबार मकवानपुरसहित तीन जिल्लामा सार्वजनिक विदा हुने

मकवानपुर । बागमती प्रदेश सरकारले मकवानपुरसहित तीन जिल्लामा सार्वजनिक विदा दिने भएको छ । बागमती प्रदेश सरकारले चेपाङ समुदायको न्वागी (छोनाम) को अवसरमा यही भदौ २२ गते बुधबार तीन वटा जिल्लामा सार्वजनिक विदा दिएको हो ।

प्रदेशको आन्तरिक मामिला तथा कानूनी मन्त्रालयले सोमबार एक सूचना जारी गरी सो दिन मकवानपुर, चितवन र धादिङ जिल्लामा सार्वजनिक विदा दिने जानकारी गराएको हो ।

‘बागमती प्रदेश सरकार, मन्त्रिपरिषद्को मिति २०७८–१२–०९ को निर्णयानुसार चेपाङ समुदायले मनाउने न्वागी (छोनाम) पर्वको उपलक्ष्यमा भदौ २२ गते बुधवारको दिन बागमती प्रदेशका चितवन, मकवानपुर र धादिङ जिल्लाभर सार्वजनिक बिदा दिने निर्णय भएकाले सबैको जानकारीका लागि यो सूचना प्रकाशित गरिएको छ । ’ मन्त्रालयका प्रवक्ता अनुशील सापकोटाद्वारा जारी विज्ञप्तिमा उल्लेख गरिएको छ ।