हेटौंडा मतगणना अपडेट : ६६४१ मत गन्दा मिना लामा अगाडि

मकवानपुर । हेटौंडा उपमहानगरपालिकामा ६ हजार ६४१ मत गणना गर्दा एकीकृत गठबन्धन अग्रता कायमै हाँसिल गरेको छ । सत्तारुढ गठबन्धनको तर्फबाट मेयर पदको उम्मेदवार मिना लामाले २ हजार १३० मत प्राप्त गर्दा एमालेको तर्फबाट मेयरका उम्मेदवार रहेका अनन्तप्रसाद पौडेलले २ हजार १२८ मत प्राप्त गरेका छन् ।

त्यस्तै, राप्रपाको तर्फबाट मेयरका उम्मेदवार दिपकबहादुर सिंहले २ हजार १ मत प्राप्त गरेका छन् । यसैगरी, हेटौंडा उपमहानरपालिकाको उपमेयर पदका उम्मेदवार गठबन्धनबाट राजेश बानियाँले ३ हजार १६५ मत, एमाले तर्फबाट सुमित्रा काफ्लेले २ हजार ३९६ मत र राप्रपा तर्फबाट इन्दिरा डल्लकोटीले ७०५ मत प्राप्त गरेका छन् । हाल वडा नम्वर १, २, १८ र १९ को मतगणना जारी रहेको छ ।