एमाले मकवानपुरका सात नेता कांग्रेसमा प्रवेश
तु खबर संवाददाता२०७८ असार १९, शनिबार १०:२७
मकवानपुर । एमाले मकवानपुरका सात जना नेता नेपाली कांग्रेसमा प्रवेश गरेका छन् ।
एमाले मकवानपुरमा जिल्ला निर्वाचन समितिका सचिव खेमराज सापकोटासहित ७ जना नेता नेपाली कांग्रेस प्रवेश गरेका हुन् ।
कांग्रेस प्रवेश गर्नेमा एमाले जिल्ला सदस्य कृष्णप्रसाद ढुंगाना, रामजी घिमिरे, गाउँ कमिटी सदस्य देवराज सापकोटा, युवा संघका केन्द्रीय सदस्य रामचन्द्र रेग्मी, र एमाले संगठित सदस्य तिर्थराज हुमागाई रहेका छन् ।
उनीहरूलाई नेपाली कांग्रेस बागमती प्रदेश संसदीय दलका नेता एवं मकवानपुर सभापती इन्द्रबहादुर बानियाँले पार्टीको सदस्यता प्रदान गरेका हुन् ।
उक्त कार्यक्रममा नगरसभापति आनन्दराम पराजुली, हेटौंडा उपमहानगरपालिका वडा ६ का वडा अध्यक्ष अर्जुनप्रसाद चौलागाईं, नेताहरू उत्सव इटेनी, विष्णु खनाल लगायतको उपस्थिति रहेको थियो ।